Exercitatio epistolaris III: Commendatio

[Halfdanus Norensis]

Terentius aedilis K. Calpurnico imperatori s.d.p.

            Spero te bene valere et esse iucundo hilarique animo ut soles. Quod litterae a te allatae erat mihi pergratum, et has quam primum remisi. Maximas gratias pro tuis benificiis et tua erga me benevolentia ago, et opinor te pro certo habere me amicitiam nostram tam magni aestimare quam tu. Ego mehercules te paene me alterum video. Existimabam enim tibi provinciam obeunti hunc Cn. Aurelium maximo usui futurum, non solum quod bona indole praeditus et sollers rebus militaribus sed etiam quod est robore animi firmus et vir magni consilii. Propter hanc naturae bonitatem eum a pueris tuitus sum, et multos per annos summa familiaritate cum eo coniunctus. Constat enim apud clarissimos in urbe nobiles hoc Aurelio praecellentiorem animo et virtute esse neminem. Praeterea adiungo virum esse generis antiquitate florentem et, ut ait Ennius et tu bene novisti, moribus antiquis res stat Romana virisque. Si igitur peritus usu artis militaris es, quod te esse probe scio, eadem quam ego de hoc praestantissimo viro opinione eris, et eum complecteris tamquam me. Ob nostram mihi carissimam sodalitatem, de qua super mentionem feci, bene scio te mihi petenti non hoc beneficiolum negaturum esse.

            Praeterea de rebus in urbe parum novi. Senatus consulto latinitas Pergamenis ferenda. Caesar iterum cantavit, immo vociferatus est. Seneca mortuus. Addo hoc optatum: Mitte mihi aliquas pantheras, quaeso, aut alias feras circensibus usui. Christiani, ut videtur, etiam vivunt.

Bene ambula, mi Calpurnice, et me, ut amas, ama.