Exercitatio epistolaris I: Invitatio

[Halfdanus Norensis]

Caecilia Prima modo nata omnibus familaribus suis salutem plurimam dicit.

Salvete, puberes. Videntur parentes mei filiola aucti. Infans fando dictavi hanc vobis invitationem ut possitis me inspicere adamareque et mihi sit pergratum si me congratulemini iis propter quos hanc lucem tandem aspexi. Hae litterae paululo serae sunt, id confitebor, sed pater familias senio patitur et fit, ut est senum, in dies singulos inutilior. Revera mater sola his diebus domum nostram sustinet. Sed redeamus ad propositum. Quaeso ut postridie Kal. Iul. ad me familiamque veniatis et meum adventum iustissime celebretis. Laminas solanorum et alia esculenta proponet pater, si tantum potuerit. Potiones erunt afferendae cum donis, maxime ursulis lusoriis et pecuniis in computu bonarum annuarum.

Iterum sincere vos salvere iubeo et spero fore ut vobis familiariter utar. Facite valeatis.