Salve, eruditissime Daniel.  liber de rebus Venereis scriptus, de quo hodie in locutorio rogabas, est Aloisia Sigaea Toletana de arcanis Amoris et Veneris.   tolle lege.  vale!

nōnne est habituālior ordo utendī ā Romānis? ut "puer equum uidet" melius est dīcendī quam "puer uidet equum" ...

Eu! Ignosce sed locutorium effodit me!

Academia, cui nomen Vivarium novum, iam pridem condita est, ut lingua Latina et Graeca viis rationibusque traderentur, quibus humanistae, qui dicuntur, per nonnulla saecula non sine uberrimo fructu usi sunt. Multos per annos iuvenes ex variis totius orbis terrae regionibus oriundi Montellam, in oppidum Campaniae, eo consilio convenerunt, ut inde a mense Octobri ineunte usque ad mensem Iunium exeuntem una vitam degerent communem atque magistros litteras Latinas omnium aetatum, linguam Graecam, historiam philosophiae, artem Latine Graeceque scribendi et loquendi docentes audirent. Non modo inter scholas ipsas cottidianas, verum etiam totum reliquum tempus usus linguae Latinae (et Graecae) est in Academia perpetuus et continuatus: discipuli et inter sese et cum magistris suis a mane usque ad multam noctem Latine loquuntur, neque ulla alia lingua admittitur praeter Graecam, qua colloquia statis temporibus seri solent. Academia est igitur unus fere locus in orbe terrarum, ubi nunc temporis homines sunt, qui perpetuo inter se lingua utuntur Latina. Inde fit, ut brevi omnes discipuli adeo Romanorum sermonem callere incipiunt, ut sine ulla molestia nullaque animi contentione integra scriptorum et antiquorum et recentiorum opera Latine exarata expeditissime legere et intellegere possint. Praeter ipsam linguam, in Academia et magistri et discipuli humanitatem in universum omnibus modis omnibusque viis colere conantur. Academia praedita est sat magna bibliotheca, qua ad quadraginta milia voluminum continentur, instrumentis computatoriis et audiovisificis, auditorio scholastico, hortis et campis lusoriis satis amplis et ad discipulorum usus aptis et accommodis.
Hoc anno Academiae sedes Romam, in Urbem aeternam, transferetur, in aedes longe maiores et ampliores, in quibus multo plures discipuli excipi poterunt. Aedificium, ubi Academiae Lares collocabuntur, viridariis circumdatur amoenissimis, et omni instrumento est praeditum scholae necessarium: praeter enim cubicula multa, sunt ibi atria et oeci magni, auditoria maiora et minora, culinae et triclinium amplissimum, natabulum et campi lusorii.
Scholae inchoabuntur inde a die V mensis Octobris et producentur usque ad diem XIX mensis Iunii anni insequentis. Excipiuntur discipuli inde a XVI usque ad XXV aetatis annum, qui iam aliquatenus elementis linguae Latinae imbuti sint: teneant scilicet satis bene grammaticae fundamenta et satis multa vocabula didicerint. Et victus, et habitatio, et scholae sunt omnino gratuitae: omnes impensae ab opere fundato, c.n. Mnemosyne, beneficiis academicis concessis tolerantur. Accipiuntur quotannis non plures quam quinque et viginti discipuli. Nunc quidem, cum sedes, in qua Academia est sita, ad religiosorum familiam pertineat, mares tantummodo admittuntur.
Discipuli, qui admittantur, normas quasdam vivendi et agendi observare tenentur, quae breviter ita perstringi possunt:

- Non admittuntur potiones alcoholicae, quaelibet medicamina stupefactiva, fistulae et bacilli Nicotiani.
- Modi musici classici tantum coluntur.
- Nullo modo admittuntur obscena (neque verba in colloquiis, in spectaculis, in scriptis, neque alia ullius generis).
- Iuxta illud Senecae (Ep. ad Luc., 5, 1) admonemus omnes iuvenes nobiscum conversantes ne eorum more qui non proficere sed conspici cupiunt, faciant aliqua quae in habitu aut genere vitae notabilia sint;
- Servandae sunt normae hygienicae, quae dicuntur.
- Nulla est apud nos veri nominis televisio; semel vel summum bis in hebdomada solemus capsellarum magnetoscopicarum ope pelliculas quasdam spectare.
- Sunt quaedam horae statutae servandae (ientaculi, prandii, cenae, scholarum).
Si quis velit nomen suum Academiae dare, scribat quaesumus ad luigimir@gmail.com; in epistula discipulo indicanda sunt haec:

1. nomen et nomen gentilicium
2. quando et ubi natus sit
3. quae studia perfecerit in schola sive in studiorum universitate
4. quamdiu linguae Latinae studuerit
5. quos scriptores quaeque opera iam legerit
6. quae sint cetera studia et oblectamenta eius praecipua

Litterae mittendae sunt quam primum, et profecto ante diem XXV mensis Septembris.

Gratissimum fuit mihi salutationem tuam accipere.
Numquam magistrum latinitatis habui,
sed nonnullos annos grammaticas lego,
interdumque aliquot texta ad linguam hispanicam verto.
Nunc considero S. Augustini "De Gratia et Libero Arbitrio".
Incolo Paranae (-31° 44', -60° 32'),
sed inter Lunae diem et Veneris diem
sum in urbe Bonaerensis, capite Rei Publicae Argentinae,
ubi laboro.
Sodalis, quid legis? Si vis, loquere mihi de te.
Vale.

Adulescentes, quattuordecim annos nati, gramaticam latinam per duos annos discunt et facilia poemata legunt; postea, per tres annos, magnos auctores latinos colunt: Caesare, Catullum, Lucretium, Sallustium, Ciceronem, Livium, Vergilium, Oratium, Propertium, Tibullum, Senecam, Tetronium, Tacitum, Plinium, Apuleium,...
Eorum operum loca discipuli in linguam italicam vertunt.
Denique,per quinque annos adulescentes linguam latinam curant, ab quattordecim annis ad undevigintos annos.